HomeLATEST NEWSdisco raja shooting starts from march 5

మార్చి 5 నుండి డిస్కోరాజా సంద‌డి

Published: Sun,March 3, 2019 07:09 AM
  Increase Font Size Reset Font Size decrease Font size   
ఎక్కడికి పోతావు చిన్నవాడా’, ‘ఒక్క క్షణం’ చిత్రాల ద‌ర్శ‌కుడు వీఐ ఆనంద్ ద‌ర్శ‌క‌త్వంలో ర‌వితేజ డిస్కోరాజా అనే చిత్రం చేసేందుకు సిద్ధ‌మయిన సంగ‌తి తెలిసిందే. ర‌వితేజ బ‌ర్త్‌డే సంద‌ర్భంగా చిత్ర టైటిల్ లోగో విడుద‌ల చేశారు. లోగో పోస్ట‌ర్ అభిమానుల‌ని ఆక‌ట్టుకుంది. ఈ చిత్రాన్ని ఎస్‌.ఆర్‌.టి. ఎంటర్‌టైన్‌మెంట్స్‌ పతాకంపై రామ్‌ తాళ్లూరి నిర్మించ‌నున్నారు. డిసెంబ‌ర్ లోనే సెట్స్ పైకి వెళ్ళ‌నున్న ఈ చిత్రం వాయిదా ప‌డింద‌ని అన్నారు. చిత్ర క‌థ సమంత, నందిని రెడ్డి కాంబినేషన్‌లో రూపొందుతున్న ఓ బేబీ సినిమా కథను పోలి ఉండటంతో కథలో మార్పులు చేసిన తరువాత షూటింగ్‌ను ప్రారంభించాల‌ని ర‌వితేజ చెప్ప‌డంతో మూవీ చిత్రీక‌ర‌ణకి మ‌రింత టైం ప‌ట్టే అవ‌కాశం ఉంద‌ని ప్ర‌చారం జ‌రిగింది. కాని తాజా స‌మాచారం ప్ర‌కారం ఈ సినిమా రెగ్యులర్‌ షూటింగ్‌ ఈ నెల 5న హైదరాబాద్‌లో ప్రారంభం కానుందని తెలుస్తుంది. సైన్స్‌ ఫిక్షన్‌ నేపథ్యంలో సాగే ఈ చిత్రంలో ముగ్గురు కథానాయికలకు చోటుండ‌గా ‘నన్ను దోచుకుందువటే’ ఫేమ్‌ నభా నటేశ్‌ను ఓ నాయికగా, ‘ఆర్‌ఎక్స్‌ 100’ ఫేమ్‌ పాయల్‌ రాజ్‌పుత్‌ను మరో నాయికగా ఎంపిక చేశారు. మూడో నాయికను త్వరలో ఎంపిక చేయనున్నారు. వెన్నెల కిషోర్, సునీల్‌ ప్రధాన పాత్రలో నటించనున్న ఈ చిత్రానికి ఎస్‌.ఎస్‌. తమన్‌ స్వరకర్త. అయితే ఈ చిత్రం కొంత భాగం చెన్నై నేప‌థ్యంలో సాగనున్న‌నేప‌థ్యంలో త‌మిళ స్టార్ బాబీ సింహాని ప్ర‌తి నాయ‌కుడిగా ఎంపిక చేశార‌ని తెలుస్తుంది.
1834
Tags

More News

NATIONAL-INTERNATIONAL

SPORTS

Health

Technology