HomeLATEST NEWSKangana Ranaut CONTROVERSIAL COMMENTS

వివాదంలో మ‌ణికర్ణిక‌.. క్ష‌మాప‌ణ చెప్ప‌నంటున్న కంగ‌నా

Published: Thu,January 24, 2019 11:38 AM
  Increase Font Size Reset Font Size decrease Font size   
కంగ‌నా ర‌నౌత్‌.. ఈ పేరుకి ప‌రిచ‌యం అక్క‌ర్లేదు. ఎక్కువ వివాదాల‌తోనే వార్త‌ల‌లో నిలిచే ఈ అమ్మ‌డు శుక్ర‌వారం మ‌ణిక‌ర్ణిక చిత్రంతో ప్రేక్ష‌కుల ముందుకు రానుంది. ఝాన్సీ ల‌క్ష్మీ బాయి జీవిత నేప‌థ్యంతో తెర‌కెక్కిన ఈ చిత్రాన్ని క్రిష్‌ జాగర్లమూడి, కంగన సంయుక్తంగా తెర‌కెక్కించారు. చిత్రానికి సెన్సార్ బోర్డ్ క్లీన్ యూ/ఎ సర్టిఫికేట్ ఇచ్చింది. అయితే ఈ చిత్రంలో వీర‌నారి ఝాన్సీ ల‌క్ష్మీబాయిని త‌ప్పుగా చూపించారంటూ హిందూ క‌ర్ణిసేన ఆందోళ‌న‌కి దిగారు. సినిమా విడుద‌ల‌ని ఆపాల‌ని డిమాండ్ చేస్తున్నారు. సినిమాలో ల‌క్ష్మీ భాయ్‌ని అగౌర‌వ‌ప‌రిచేలా ఏ ఒక్క సీన్ ఉన్నా కూడా కంగ‌నా తీవ్ర ప‌రిణామాలు ఎదుర్కోవ‌ల‌సి ఉంటుంద‌ని క‌ర్ణిసేన హెచ్చ‌రిస్తుంది.

క‌ర్ణిసేన హెచ్చరిక‌ల‌పై స్పందించిన కంగ‌నా ర‌నౌత్‌.. నేను రాజ్‌పుత్‌నే. ఎవ‌రికి భ‌య‌ప‌డేది లేదు. బెదిరింపుల‌కి పాల్ప‌డితే క‌ర్ణిసేన కార్య‌క‌ర్త‌ల‌ని నాశనం చేస్తాను అని హెచ్చ‌రించింది. అయితే కంగ‌నా ఇలానే మాట్లాడ‌డం కొన‌సాగిస్తే ఆమెని మహ‌రాష్ట్ర‌లో తిర‌గ‌నివ్వ‌మ‌ని క‌ర్ణిసేన అంటుంది. సినిమాలో ల‌క్ష్మీభాయ్ గురించి త‌ప్పుగా చూపించ‌లేదు. ఆమె నా బంధువు కాదు. భార‌త‌దేశ ముద్ధుబిడ్డ‌. అలాంట‌ప్పుడు ఆమె గురించి త‌ప్పుగా ఎలా చూపిస్తామ‌ని కంగనా అంటుంది.మ‌రోవైపు క‌ర్ణిసేన బెదిరింపుల‌తో కంగ‌నా ఇంటి ద‌గ్గ‌ర భారీ భ‌ద్ర‌త ఏర్పాట్లు చేశారు పోలీసులు. మ‌ణికర్ణిక చిత్రం రేపు ప్ర‌పంచ వ్యాప్తంగా 50 దేశాల‌లో విడుద‌ల కానుంది.
1908
Tags

More News

NATIONAL-INTERNATIONAL

SPORTS

Health

Technology