ట్రైల‌ర్‌తో ఆస‌క్తి రేకెత్తిస్తున్న 'లాల్ క‌ప్తాన్' టీం

Tue,September 24, 2019 01:28 PM

ఎన్నో విజ‌యవంత‌మైన చిత్రాల‌లో న‌టించి అల‌రించిన‌ సైఫ్ అలీఖాన్ తాజాగా ‘లాల్ కప్తాన్’ అనే చిత్రాన్ని చేస్తున్నాడు. నవదీప్ సింగ్ దర్శకత్వంలో రూపొందుతున్న ఈ చిత్రాన్ని పీరియాడిక్ చిత్రంగా తెరకెక్కిస్తున్నారు. చిత్రంలో సైఫ్ నాగ సాధు గెటప్‌లో కనిపించనున్నారు. 18వ శతాబ్దంలో ఓ బ్రిటీష్‌ కెప్టెన్‌పై పోరాడిన నాగసాధువు కథ ఆధారంగా చిత్రం రూపొందుతుంది. ఇలాంటి పాత్రలో సైఫ్ నటించడం ఇదే తొలిసారి కాబట్టి ప్రేక్షకులు కూడా బాగానే ఆదరిస్తార‌ని చెప్ప‌వ‌చ్చు . అక్టోబర్ 18న చిత్రాన్ని విడుద‌ల చేయ‌నున్నారు.


తాజాగా లాల్ క‌ప్తాన్ చిత్ర ట్రైల‌ర్ విడుద‌ల చేశారు. ఇందులో సైఫ్‌ ముఖానికి బూడిద, నుదుటిపై నామంతో స‌రికొత్త‌గా క‌నిపిస్తున్నారు .‘మనిషి పుట్టినప్పుడే అతని మరణం గురించి పైవాడు రాసేసి ఉంటాడు’ అన్న డైలాగ్ చెప్తూ మనుషుల్ని దారుణంగా చంపి, గుర్రానికి కట్టి ఈడ్చుకెళుతున్నట్లుగా సైఫ్ ఇందులో కనిపించారు. ట్రైల‌ర్ ఆస‌క్తి రేకెత్తిస్తుంది. సోనాక్షి సిన్హా అతిథి పాత్రలో కనిపించనున్నారు. మానవ్ విజ్, జోయా హుస్సేన్, దీపిక్ డోబ్రియల్, సిమోన్ సింగ్ కీలక పాత్రలు పోషించారు. కలర్ ఎల్లో ప్రొడక్షన్స్ ప్రైవేట్ లిమిటెడ్ బ్యానర్‌పై ఆనంద్ ఎల్ రాయ్ నిర్మాతగా వ్యవహరిస్తున్నారు. కాగా, సైఫ్.. ‘తానాజీ ది అన్‌సంగ్ హీరో’, ‘దిల్ బిచారా’, ‘జవానీ జానేమన్’ అనే డిఫ‌రెంట్ చిత్రాల‌తో ప్ర‌స్తుతం బిజీగా ఉన్నారు.


4236
Follow us on : Facebook | Twitter

More News

VIRAL NEWS

Featured Articles

Health Articles