ఇటు తండ్రి సినిమాలో, అటు కొడుకు సినిమాలో..

Fri,April 5, 2019 08:36 AM
Samuthirakani acts in rajamouli amd karthikeya movie

బాహుబ‌లి సినిమాతో తెలుగు సినిమా ఖ్యాతిని ద‌శ దిశ‌లా వ్యాపించేలా చేసిన ద‌ర్శ‌కుడు రాజ‌మౌళి. ప్ర‌స్తుతం ఈయ‌న జూనియర్ ఎన్టీఆర్, రామ్ చ‌ర‌ణ్ ప్ర‌ధాన పాత్ర‌ల‌లో ఆర్ఆర్ఆర్ అనే భారీ బ‌డ్జెట్ చిత్రాన్ని చేస్తున్నాడు. చ‌ర‌ణ్‌కి గాయం వ‌ల‌న ఈ ప్రాజెక్ట్‌కి కొద్ది రోజులు బ్రేక్ ప‌డింది. ఇందులో ప్ర‌ముఖ త‌మిళ న‌టుడు స‌ముద్ర‌ఖ‌ని ముఖ్య పాత్ర చేస్తున్నాడు. ఆయ‌న పాత్ర సినిమాకి చాలా కీల‌కంగా ఉంటుంద‌ని తెలుస్తుంది. ఇక రాజ‌మౌళి త‌న‌యుడు ఎస్‌ఎస్‌ కార్తికేయ ఆకాశవాణి అనే చిత్రాన్ని నిర్మిస్తున్నారు. ఆ చిత్రంలోను స‌ముద్ర‌ఖని ముఖ్య పాత్ర‌లో న‌టిస్తున్నాడు. తాజాగా స‌ముద్ర‌ఖ‌ని త‌న ట్విట్ట‌ర్‌లో రాజ‌మౌళితో క‌లిసి దిగిన ఫోటో షేర్ చేశాడు. ఈ ఫోటో ఆకాశ‌వాణి సెట్‌లో దిగిన‌ట్టుగా తెలుస్తుంది. ఆర్ఆర్ఆర్ ప్రాజెక్ట్‌కి బ్రేక్ ప‌డ‌డం వ‌ల‌న రాజ‌మౌళి.. ఆకాశ‌వాణి షూటింగ్ స్పాట్‌కి వెళ్లారు. ఆ స‌మ‌యంలో జ‌క్క‌న్న‌, స‌ముద్ర‌ఖ‌ని ఫోటో దిగారు. ఒక వైపు రాజ‌మౌళి ద‌ర్శ‌క‌త్వంలో తెర‌కెక్కుతున్న చిత్రంలో న‌టిస్తూ మ‌రో వైపు కార్తికేయ నిర్మాణంలో రూపొందుతున్న సినిమాలో న‌టిస్తున్న ఈ త‌మిళ స్టార్ త‌న పాత్ర‌తో తెలుగు ప్రేక్ష‌కుల‌ని త‌ప్ప‌క మెప్పిస్తాడ‌ని అంటున్నారు .

3694
Follow us on : Facebook | Twitter

More News

VIRAL NEWS

country oven

Featured Articles

Health Articles