త‌న తాజా చిత్రానికి డ‌బ్బింగ్ మొద‌లుపెట్టిన బన్నీ

Thu,July 11, 2019 12:05 PM
Stylish Star allu arjun starts dubbing for AA19

అల్లు అర్జున్ త‌న 19వ చిత్రాన్ని త్రివిక్రమ్ దర్శకత్వంలో చేస్తున్న సంగ‌తి తెలిసిందే. హారిక హాసిని క్రియేషన్స్, గీతా ఆర్ట్స్ పతాకాలపై ఎస్.రాధాకృష్ణ, అల్లు అరవింద్ ఈ చిత్రాన్ని నిర్మిస్తున్నారు. పూజా హెగ్డే కథానాయికగా నటిస్తున్నది. ఈ సినిమాను 2020 సంక్రాంతికి విడుదలచేనున్నట్లు బుధవారం చిత్రబృందం ప్రకటించింది. త్రివిక్రమ్ శైలిలో కుటుంబ బంధాలు, వినోదం, భావోద్వేగాల సమ్మిళితంగా ఈ సినిమా రూపొందుతున్నట్లు సమాచారం. ఇందులో అల్లు అర్జున్ సాఫ్ట్‌వేర్ ఉద్యోగిగా కనిపించనున్నట్లు తెలిసింది. ఇటీవల హైదరాబాద్‌లో ఆయనపై కీలక ఘట్టాలను చిత్రబృందం తెరకెక్కించింది. ఈ చిత్రానికి తమన్ సంగీతాన్ని అందిస్తుండగా పి.ఎస్. వినోద్ ఛాయాగ్రహణాన్ని సమకూర్చుతున్నారు. అయితే ఈ చిత్రానికి బ‌న్నీ డ‌బ్బింగ్ కూడా మొద‌లు పెట్టాడ‌ని తెలుస్తుంది. డ‌బ్బింగ్‌కి ముందు ప‌లు పూజా కార్య‌క్ర‌మాలు చేప‌ట్టారు.



1058
Follow us on : Facebook | Twitter

More News

VIRAL NEWS

Featured Articles

Health Articles