‘తస్సాదియ్యా..’ ప్రోమో వీడియో సాంగ్ విడుద‌ల‌

Fri,January 4, 2019 10:33 AM
Thassadiyya  video Song released

బోయ‌పాటి శీను ద‌ర్శ‌క‌త్వంలో రామ్ చ‌ర‌ణ్‌, కియారా అద్వానీ ప్ర‌ధాన పాత్ర‌ల‌లో రూపొందిన‌ చిత్రం విన‌య విధేయ రామ‌. డీవీవీ ఎంట‌ర్‌టైన్‌మెంట్ ప‌తాకంపై రూపొందుతున్న ఈ చిత్రం సంక్రాంతి కానుక‌గా జ‌న‌వ‌రి 11న‌ విడుద‌ల కానుంది. చిత్ర ప్ర‌మోష‌న్స్ జోరుగా జ‌రుగుతున్నాయి. సినిమా అన్ని వ‌ర్గాల ప్రేక్ష‌కుల‌ని అల‌రిస్తుంద‌ని చిత్ర బృందం చెబుతుంది. అయితే ఈ చిత్రంలో త‌స్సాదియ్యా.. అంటూ సాగే పాట‌కి ఎంత రెస్పాన్స్ వ‌చ్చిందో ప్ర‌త్యేకంగా చెప్ప‌న‌క్క‌ర్లేదు. శ్రీమ‌ణి లిరిక్స్ అందించిన ఈ పాట‌ని జ‌స్ప్రీత్ జాజ్‌, మాన‌సి ఆల‌పించారు. తాజాగా ఈ డ్యూయ‌ట్ సాంగ్ వీడియోని విడుద‌ల చేశారు.ఇందులో చ‌ర‌ణ్‌, కియారాలు త‌మ స్టెప్పుల‌తో అద‌ర‌గొట్టారు. ఈ వీడియో అభిమానుల‌ని ఆకట్టుకుంటుంది. చిత్రానికి దేవి శ్రీ అందించిన బాణీలు అద్భుతంగా ఉన్నాయి. స్నేహా, వివేక్‌ ఒబెరాయ్‌, ప్రశాంత్‌, అనన్య, ఆర్యన్‌ రాజేష్‌ తదితరులు ఈ చిత్రంలో కీలక పాత్రలు పోషించారు. బాలీవుడ్‌ భామ ఈషా గుప్తా ఇందులోని ప్రత్యేక గీతంలో నటించారు. యాక్షన్‌కు ప్రాధాన్యం ఇస్తూ ఓ ఫ్యామిలీ ఎంటర్‌టైనర్‌గా దీన్ని తెరకెక్కించిన‌ట్టు తెలుస్తోంది.

1897
Follow us on : Facebook | Twitter

More News

VIRAL NEWS

Featured Articles

Health Articles