బ్రేక్‌ఫాస్ట్ చేయడం మానేస్తే ఎలాంటి అనారోగ్య స‌మ‌స్య‌లు వ‌స్తాయో తెలుసా..?


Sun,March 10, 2019 04:45 PM


బ్రేక్‌ఫాస్ట్ అనేది మ‌నం నిత్యం తీసుకునే ఆహారంలో చాలా ముఖ్య‌మైంది. అందులో అనేక పోష‌కాలు ఉండేలా చూసుకోవాలి. అలాగే బ్రేక్‌ఫాస్ట్‌ను భారీగా చేయాలి. పెద్ద మొత్తంలో ఆహారం తీసుకోవాల‌ని వైద్యులు చెబుతుంటారు. కానీ మ‌న‌లో కొంద‌రు బ్రేక్‌ఫాస్ట్ మానేస్తారు. నేరుగా మ‌ధ్యాహ్న‌మే భోజ‌నం చేస్తారు. అయితే ఈ త‌ర‌హా జీవ‌న‌శైలి చాలా అనారోగ్యాల‌ను తెచ్చి పెడుతుంది. ఈ క్ర‌మంలోనే నిత్యం ఉద‌యాన్నే బ్రేక్‌ఫాస్ట్ తీసుకోక‌పోవ‌డం వ‌ల్ల ఎలాంటి అనారోగ్య స‌మ‌స్యలు వ‌స్తాయో ఇప్పుడు తెలుసుకుందాం.

1. నిత్యం బ్రేక్‌ఫాస్ట్ చేయ‌క‌పోతే గుండె జ‌బ్బులు వ‌చ్చేందుకు, స్ట్రోక్స్ బారిన ప‌డేందుకు అవ‌కాశాలు ఎక్కువ‌గా ఉంటాయ‌ని సైంటిస్టులు చేసిన ప‌రిశోధ‌న‌ల్లో వెల్ల‌డైంది.

2. బ్రేక్‌ఫాస్ట్ మానేస్తే టైప్ 2 డ‌యాబెటిస్ వ‌స్తుంద‌ని సైంటిస్టులు చేప‌ట్టిన అధ్య‌యనాల్లో తెలిసింది.

3. బ్రేక్‌ఫాస్ట్ చేయ‌క‌పోతే అధికంగా బ‌రువు పెరుగుతార‌ని, శ‌రీరంలో కొవ్వు పేరుకుపోతుంద‌ని సైంటిస్టులు చెబుతున్నారు.

4. బ్రేక్‌ఫాస్ట్ మానేస్తే మెద‌డు యాక్టివ్‌గా ఉండ‌దు. ఫ‌లితంగా ఉత్సాహం లేక‌పోవ‌డం, చురుకుద‌నం త‌గ్గ‌డం, ఏకాగ్ర‌త లోపించ‌డం వంటి స‌మ‌స్య‌లు వ‌స్తాయి. క‌నుక ఎవ‌రైనా స‌రే.. నిత్యం ఉద‌యాన్నే క‌చ్చితంగా బ్రేక్‌ఫాస్ట్ చేయాల్సిందే. ఇక అందులో పోష‌కాలు ఉండేలా చూసుకుంటే మ‌రీ మంచిది..!

4460
Follow us on : Facebook | Twitter

More News

VIRAL NEWS

target delhi
country oven

Featured Articles

Health Articles